Нийгмийн хариуцлага

Манай Шинэ эрин залуучууд хөгжил төв ТББ нь дэд бүтэц, эрүүл мэнд, боловсролын чиглэлээр төрийн байгууллагын авч хэрэгжүүлж буй бодлогыг дэмжих, алслагдмал суурин газарт усан хангамжийн систем байгуулах үйл ажиллагаа явуулдаг болно.

Манай байгууллага Францын АРЕЕД холбоотой хамтран Францын орон нутгийн байгууллагуудын буцалтгүй тусламжийн хүрээнд дараахь төслүүдийг хэрэгжүүлээд байна. Үүнд:

• Улаанбаатар хотын Гачуурт дүүрэгт 2002-2004 онд шинээр 3 гүний худаг өрөмдөн, эмнэлэг, сургууль, цэцэрлэг, ЗДТГ-ын барилга гэх мэт төрийн албан байгууллагуудыг ундны ус хангамжаар хангахын зэрэгцээ тус хорооны ус хангамжийн дутагдалтай суурьшлын бүсүүдийн ус хангамжийн асуудлыг шийдсэн. Үүний дараа хуучин ашиглагдаж байсан 2 ус түгээх байрыг шинэчлэн сайжруулснаар уг төсөл Гачуурт тосгон буюу Баянзүрх дүүргийн 20-р хорооны нутаг дэвсгэр дэхь хүн амын ундны ус хангамжийн асуудлыг бүхэлд нь шийдвэрлэсэн юм.
• Говь-Алтай аймгийн Төгрөг суманд усан хангамжийн систем байгуулах төслийг 2009-2010 онд амжилттай хэрэгжүүлж голын усаар ундалдаг байсан сумын нийт 2000 гаруй иргэнийг ундны усны дэд бүтцээр хангасан.
• 2012 -2013 онд Ховд аймгийн Булган суманд шинээр 3 гүний худаг өрөмдөж, 12000 хүн амтай сумын эмнэлэг, ерөнхий боловсролын 1, 2-р сургууль цэцэрлэг, дотуур байрууд, ЗДТГ гэх мэт төрийн өмчийн байгууллагуудыг ундны усны стандартад нийцсэн гүний усанд холбосон. Өмнө нь тус сумын эдгээр албан байгууллагууд эрүүл мэндийн шаардлагад нийцээгүй хөрсний усаар ундалдаг байсан болно.

Эдгээр төсөл нь ундны ус хангамжийг сайжруулснаар усаар дамжин үүсэх өвчлөлийг бууруулах ач холбогдолтой болно.

Шинэ эрин залуучууд хөгжил төв нь тогтвортой хөгжлийг түүчээлээх зорилготой.

Энэ хүрээндээ Улаанбаатар хотын нисэхийн цэвэрлэх байгууламжаас гарч буй лагийг (маш хямд аргаар) хүлэмжийн аргаар хатааж, улмаар түлш болгон ашиглах туршилт амжилттай хийсэн.